Kơdră chĕp pơgơ̆r Hơnih bơ̆ jang Nội chính Trung ương Phan Đình Trạc hôn bơnê kơtang dôm tơdrong iŏk đei jơnei lơ̆m jang hơdoi ƀar păh Hơnih tơm Tư pháp ƀar teh đak lơ̆m khei năr au ki. Pơma hơdăh, Việt Nam ling lang lăng kơjăp tơdrong hơmet pơ ‘lơ̆ng păng atŏk tơ iung tơgoăt tơgoăl Việt Nam - Trung Quốc, iung jang hloi atŭm hăm Trung Quốc atŏk kơtang dôm trong jang hle kơ tơgoăt tơgoăl dih băl, jang kiơ̆ ‘lơ̆ng tơdrong hlôh vao atŭm khul kơdră kơpal, rim tơdrong Tơchơ̆t atŭm păng rim tơdrong pơkăp jang hơdoi hlôi đei kĭ pơkăp dih băl ƀar păh, lơ̆m au đei tơdrong jang Tư pháp, khôi luơ̆t.

Kơdră chĕp pơgơ̆r Hơnih jang Nội chính Trung ương Phan Đình Trạc athei ƀar păh atŏk kơtang tơbăt dih băl dôm tơdrong iŏk đei jơnei chă tơchĕng hơlen tơdrong trŏ lăp ‘lơ̆ng păng pơtôch jang kiơ̆ lơ̆m tơ iung pơjing teh đak pháp quyền xã hội chủ nghĩa, hơmet pơ ‘lơ̆ng tư pháp, tang găn sa pơgơ̆m pơjĭp, dăr lăng, tang găn pơ yoa ăn khul lơ̆m tơ iung pơjing khôi luơ̆t, tơgŭm ăn tơdrong jang kơ ƀar Đảng, ƀar Teh đak.