Sơng pơma dơnuh hăm Kơdră chĕp pơgơ̆r Grŭp jang SUNWAH Jonathan Choi, Kơdră chĕp pơgơ̆r Kuô̆k hôi hôn bơnê kơ Grŭp jang hơnơ̆ng atŏk tơ iung tơ̆ Việt Nam, mă kăl ‘noh Hơnih jang kmăi kmŏk tơ̆ Lào Cai. Kơdră chĕp pơgơ̆r Kuô̆k hô̆i ‘meh vă Grŭp jang akŏm pơtrŭt kơtang jang hơdoi ƀar păh rim dêh char sơlam teh đak Việt Nam hăm rim dêh char kơ Trung Quốc; chă tơcheng hơlen tơgoăt jang hơdoi 3 pang lơ̆m pơtho pơjing bơ̆ jang kmăi kmŏk gơh hơgei đei iŏk yua kơjăp.

Tơ̆ ‘măng tơƀơ̆p Grup jang Tơmơt jên jang Ŭnh hơyuh Vân Nam (YEIG), Kơdră chĕp pơgơ̆r Kuôk hô̆i hôn bơnê kơtang tơdrong kĕ jang kơ Grŭp lơ̆m pơm sơđơ̆ng ŭnh hơyuh ăn dêh char Vân Nam, lơ̆m au đei ŭnh hơyuh rơgoh ‘lơ̆ng. ‘Moi kiơ̆ trong pơprŏ vă jang ŭnh hơyuh VIII kơ Việt Nam, Grŭp gơh chă tơchĕng hơlen vang iung jang hăm hơnăp jang vang jang hơdoi atŏk tơ iung ‘nao mĭnh ƀar tơdrong vă jang ŭnh hơyuh rơgoh ‘lơ̆ng. Kơdră chĕp pơgơ̆r Kuô̆k hô̆i pơma hơdăh jang hơdoi tơ iung pơjing ‘măng sơlam teh đak gơ̆h hơgei, pơtrŭt kơtang ăn tơmam drăm tĕch mơdro mơ̆t lĕnh tĕnh koăng; hơpơi hơnih mơdro sa ƀar teh đak atŏk kơtang tơmơ̆t jên jang lơ̆m tơring dih băl pơđĭ mơdro sa, tơmơ̆t jên jang, pơm tơlĕch tơmam drăm.