Khul jang truh ngôi, hơpăh tơmam ăn đe linh so Nguyễn Hữu Chấp, rơnĕh sơnăm 1931, oei tơ̆ phường Him Lam păng linh so Nguyễn Viết Điểm, rơnĕh sơnăm 1930, oei tơ̆ phường Thanh Bình, plt Điện Biên Phủ. Tơ̆ âu Kơdră teh đak kơplăh dang ei Võ Thị Ánh Xuân jet gia pơma nuh găh tơdrong arih xa, jơhngâm đon hăm đe linh so Điện Biên; tơƀôh jơhngâm đon ‘mêm bơnê hăm dôm tơdrong plang tih tên, chu hŭt hơkâu đơ̆ng đe linh Điện Biên lơ̆m tơdrong tơblăh tang găn ayăt Phalăng, vang tơgop kŭm hăm khul linh păng kon pơlei bơ̆n tơblăh đei jơnei tôch gĭt kăl lơ̆m jơhnơr arih.

Tang măt ăn khul, Kơdră teh đak kơplăh dang ei hmach thơ thou ăn đe linh Điện Biên đei jơhngâm pran ‘lơ̆ng, hơnơ̆ng jĭ bơngai vă kon sâu gơnang yoa, jang kiơ̆, chĕp vei dôm tơdrong juăt ‘lơ̆ng đơ̆ng yă ƀok sơ̆; atŭm hăm ‘nŏh tưk tơiung tơdrong juăt ‘lơ̆ng đơ̆ng “Ƀô đô̆i Ƀok Hô”, vei kơjăp ling lang jơhngâm đon “Linh Điện Biên” sơnăm sơ̆, hơnơ̆ng tơgop đon rơgei, jơhngâm pran ăn tơdrong pơjing pơlei pơla roi đunh roi pơdrŏng ‘lơ̆ng rŏ păng gơ̆h hơgei.