Kơdră teh đak bơ̆n chơt hơ-iă hăm tơdrong truh akŏm đơ̆ng đe ngê̆ nhơ̆n păng sơkơ̆t hơdah Đảng, Teh đak hơnơ̆ng tơrĕk truh, pơm trong hiôk vă vei lăng păng hơtŏk pơlei jang tơdrong jang so. Kơdră teh đak ră hơdah, tơdrong kăp gĭt kơ hơtŏk pơtho tơdrong jang, pơdjoi tơdrong lăp iung pơm jang ăn đe sơnăm mơlôh tơ̆ tơring pơsĕl, atŭm hăm noh tơrĕk tơgŭm ăn tơdrong hơrih kon pơlei tơ̆ pơlei jang tơdrong jang so.

Kơdră teh đak athei iŏk yua sơnong jang đơ̆ng dôm jơnŭm jang gah tơdrong jang so chă tơroh dih băl pơjing tơmam drăm đei kơjă kơjăp sơđơ̆ng. Rim anih jang tơm, anih pơm tơlĕch tơmam drăm đei pơkăp hơtŏk hơlen, keh đang tơchơ̆t pơm jang vă hơtŏk pơlei jang tơdrong jang so, vei lăng tơdrong joh ayŏ kăp gĭt tơguăt hăm hơtŏk mŭk drăm.