Ƀlep lơ̆m năr vang năm Hop akŏm joăt joe rim Kơdră chĕp pơgơ̆r ‘măng mă 16 kơ Hop akŏm mŭk drăm apŭng plĕnh teh tơ̆ Thiên Tân, Trung Quốc, pơgê năr 25/6 (kiơ̆ jơ tơring), Thủ tướng Teh đak Phạm Minh Chính hlôi tơƀơ̆p Thủ tướng Kyrgyzstan Adylbek Kasimalyev. Thủ tướng Teh đak Phạm Minh Chính sơkơ̆t hơdăh rim Hơnih tơm, hơnih bơ̆ jang Việt Nam tŏk bŏk iung jang kơtang rim tơdrong drơ̆ng mĭnh nơ̆r hlôi đei Kơdră chĕp pơgơ̆r ƀar teh đak drơ̆ng mĭnh nơ̆r lơ̆m ‘măng năm tơmang đơ̆ng Thủ tướng Kasimalyev; kiơ̆ kơ ‘noh, Thủ tướng athei ƀar păh pơtrŭt kơtang jang hơdoi mŭk drăm, mơdro sa, tơƀưh trong gre treng ƀar teh đak păng kiơ̆ đơ̆ng noh hăm rim teh đak lơ̆m tơring Trung Á. Ƀar păh drơ̆ng mĭnh nơ̆r atŏk kơtang ăn khul kơdră tơƀơ̆p dih băl, pơma dơnuh dih băl chinh trĭ kơtang kơ rim kơdră, mă kăl kơdră kơpal păng ƀar păh Khul kơdră chĕp pơgơ̆r teh đak, rim hơnih tơm, hơnih jang, tơring ƀar teh đak; iung jang hơdoi kơjăp vă tơlĕch jang kiơ̆ jơnei rim rim tơdrong drơ̆ng mĭnh nơ̆r hlôi đei Kơdră kơpal ƀar teh đak drơ̆ng pơtrŭt kơtang; hơnơ̆ng iung jang hơdoi atŏk kơtang jang hơdoi tôm tơdrong, atŏk kơtang hlôh vao dih băl ƀar păh kon pơlei ƀar teh đak.