Tơ̆ âu rup Nhap Ƀok Tổng Bí thư Nguyễn Phú Trọng đei ‘măn ah anih kăp gĭt hloh, tôm kon pơlei lơ̆m thôn akŏm tôm măt vă atŭm tơmơ̆ng Ƀĭ thư Chi ƀô̆, Kơdră thôn vih tơbăt dôm tơdrong tơgop tih tên đơ̆ng Ƀok Tổng Bí thư Nguyễn Phú Trọng đei tơrĕk truh tơdrong hơrih kon pơlei kon kông, pơjing tơdrong tơguăt tơguăl kon pơlei, tơ-iung pơjing teh đak Việt Nam roi năr roi hơtŏk pran jơnap, gơh hơgei... Tơ̆ Lêh ƀlŏk tơbăt, kon pơlei Xơ Đăng tơƀôh đon lui tơnăp hăm Đảng, Jơnŭm pơgơ̆r teh đak, khŏm mă iŏk yua jơhngơ̆m tơguăt tơguăl vă atŭm pơjing thôn, pơlei kơjăp kơtang.