Kon Tum đei dơ̆ng gre huŏng tơ̆ thong hơbong pơm ăn bơngai huơ̆r păng phŭ gre lôch
Thứ tư, 14:36, 17/04/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Gre lăk đei ƀât 1 jơ 30 pơnĭt pơgê ‘năr 16/4, yoa gre tih huŏng tơ̆ thong hơbong. ‘Nâu jĭ gre lăk, tâm prĕh băl mă 3 lơ̆m 4 năr âu ki tơ̆ dêh char Kon Tum pơm ăn 4 ‘nu bơngai lôch păng 26 ‘nu bơngai rơka.
Ƀât jơ kơpal gre tih đei kơƀang sô̆: 43C-145.16 yoa Nguyễn Quang Nhãn, 32 sơnăm, oei tơ̆ xăh Quế Châu, apŭng Quế Sơn, dêh char Quảng Nam huơ̆r kơdâu đơ̆ng Quảng Nam năm tơ̆ Kon Tum truh ƀât trong krang Lò Xo, jăl Km1420+170 găh plei Măng Khênh, xăh Đăk Man, apŭng Đăk Glei, dêh charr Kon Tum ‘nŏh đei hê̆ tơdrong sar bar âu.
Tơ̆ anih gre lăk ăn ƀôh gre tih yoa Nguyễn Quang Nhãn huơ̆r huŏng tơ̆ thong hơbong tơter trong. Gre huŏng tơ̆ thong âu pơm ăn bơngai huơ̆r Nguyễn Quang Nhãn păng phŭ gre Nguyễn Tấn Toàn, 25 sơnăm oei tơ̆ xăh Quế Châu, apŭng Quế Sơn, dêh char Quảng Nam lôch kơtă hloi, gre hư, pep pop đĭ. Thoi nŏh, lăp 4 năr tơ̆ dêh char Kon Tum đei truh 3 ‘măng gre lăk, tâm preh băl, pơm ăn 4 ‘nu bơngai lôch păng 26 ‘nu bơngai rơka.
Viết bình luận