Tŏ hang pơdui đunh tŏk bŏk pơm ăn kơhreng rơbâu hek tar bri tơ̆ đĭ đăng 10 apŭng, pơlei tơm kơ dêh char Kon Tum tơjră hăm hơmơt kơ ŭnh sa tôch kơ dêh. Dôm tơ ‘ngla bri hlôi hơtŏk loi dơ̆ng khŭl jang vă vei bri. Ƀok Ngô Tùng Khoa, Phŏ kơdră vei lăng Kŏng ti jang găh bri ‘long Ngọc Hồi, hơnih vei lăng hloh 23.400 hek tar bri, tơbăt, tơdrong tang găn ŭnh sa bri tŏk bŏk đei anih jang tơlĕch jang hơdrol.

Kơrŭn đĭ jơhngơ̆m tang găn ŭnh sa, dôm anih jang tơ ‘ngla bri tơ̆ dêh char Kon Tum athei tơjră hăm tơdrong ưh kơ măh hơdrol hiong đơ̆ng rŏng, mơmat tat hơdrom băl; hơgăt bri să mă lei khŭl jang tơdrong jang vei lăng bri tŏ sĕt; tơmam pĭt ŭnh sa hmă đĕch. Tơdrong vei lăng bơngai mơ̆t lĕch lơ̆m bri kŭm nhen vei lăng tơdrong yua ŭnh kŭm ưh kơ gan ‘lơ̆ng yua đơ̆ng lơ hơgăt bri tơjê̆ hăm trong nơnăm, mir roh đơ̆ng kon pơlei.