Hơdai hăm, bơ̆jang kiơ̆ pơm 10 tŏ hnam “ Hnam tơnŏ công đoàn” asong ăn kơ đoàn viên, bơngai jang đei tơdrong arih sa mơmat tat; năm ngôi păng asong tơmam ăn kŏng nhân đei sar bar đơ̆ng bơ̆jang, jĭ hơmet ưh kơ klăih... Hơdai hăm ‘noh, rim khŭl bơ̆jang tơring gô pơgơ̆r tơƀơ̆p pơma dơnuh hăm kŏng nhân; tơlĕch jang tơdrong jang “Pran vă bơ̆jang, pơm tơlĕch” hăm lơ tơdrong jang joh ayŏ, tơplŏng kơdâu.
Găh trong tơlĕch jang hơdăh đơ̆ng anih jang, ƀok Võ Công Hoà- Kơdră Liên đoàn lao động apŭng Chư Sê, tơbăt: Apŭng hlôi tơlĕch jang 2 hơnih mong jên ‘noh “Tơgŭm pơlung” păng “Hnam tơnŏ công đoàn” vă tơgŭm ăn đoàn viên đei tơdrong arih sa mơmat tat vă đoàn viên sơđơ̆ng jơhngơ̆m păng ling lang đei 1 khŭl jang vang yak hơdai hăm bơ̆n lơ̆m rim tơdrong arih sa. Lơ̆m khei 5 âu gô tơgep dôm tơdrong jang pơjei băl bơ̆jang pơm tơlĕch, pơm tơdrong tơgoăt tơgoăl đơ̆ng đe kŏng nhân, bơngai jang”.
Viết bình luận