Tơ̆ hop akŏm, kiơ̆ Thủ tướng, tơdrong Tơproh trong jang kơ dêh char Tây Ninh đơ̆ng 2021-2030, trong jang truh sơnăm 2050 hlôi chih hơdăh đon tơchĕng, trong vă jang, đon pơhnŏng jang tŏk; trong jang, akŏm khul bơngai jên hu vă bơ̆ jang kiơ̆, khŏm hơnhăk Tây Ninh jang tŏk rơgŏh, hrĕnh, tôm tơdrong, kơjăp ‘lơ̆ng; pơih đei trong jang păng anih vă atŏk tơiung ‘nao, pơjing jơhngâm pran, kơjă ‘nao ăn Tây Ninh lơ̆m tơdrong jang tŏk atŭm kơ dôm dêh char, plt tơ̆ tơring păng lơ̆m teh đak.

Thủ tướng Phạm Minh Chính athei Tây Ninh tơlĕch trong pơgơ̆r jang kiơ̆ tơdrong tơproh mă lăp, hrơ̆ch ‘lơ̆ng hăm tơdrong tơproh trong atŭm kơ teh đak, tơring, anih jang, tơdrong jang; jăh pơjing, tơlĕch jang mă ‘lơ̆ng, đei yoa Trong jang kiơ̆ tơdrong Tơproh.