Hăm jơpơih pơdăh hlŏh 120 pơnĭt, tơdrong pơih pơdăh Hơla Hla kơ tơblăh Khŏm jơnei chơng hơnhăk bơngai lăng vih dơ̆ng hăm dôm sơnăm tơblăh kơtang nuih mơng hăm lơ tơdrong tôch hơiă, ưh đei lai yơ hiơt lơ̆m 1 chăl tơblăh vang, hrang tơƀet sơ̆. Dôm jăl khei ‘năr gĭt kăl đơ̆ng 70 sơnăm adrol sơ̆ đei tơƀôh kiơ̆ đơ̆ng tơmât hơdai đơ̆ng chăl hle hrei ‘nâu păng ƀlŏk hơdơ̆r dơ̆ng chă so sơ̆, đơ̆ng tơdrong hơri hơxoang păng tơblang hơdăh.
Tơdrong pơih pơdăh Hơla hla kơ khŏm tơblăh jơnei pơtôch hăm lơ um rup hơpăh mê đai ăn đe linh so, druh dăm xung phong so, kon pơlei vang iung tơblăh tơ̆ 5 anih pơih pơdăh. Prăt 70 sơnăm âu ki, hla kơ hơnhăk ba đon hơmĕng tơblăh jơnei hlôi chông hơnhăk khul linh păng kon pơlei bơ̆n yak hlŏh dôm tơdrong tơblăh iŏk tơdrong rơngei, hiôk hian, akŏm jơhngâm, đon adrin vă tơplih ‘nao pơjing teh đak. Hưch hanh păng lui kiơ̆ Hla kơ Đảng, bơ̆n vă ‘măn đĭ jơhngâm kơdih tưk tơiung tơdrong juăt kơtang nuih mơng đơ̆ng Điện Biên Phủ. Păng hla kơ khŏm tơblăh jơnei ling lang jing um rup tơƀôh ăn jơhngâm đon adrin, tơdrong hơpơi ‘mĕh Việt Nam pran kơtang.
Viết bình luận