Dôm ƀai chih oei chih hơdăh dôm tơdrong tơgop tih tên đơ̆ng Tổng bí thư Nguyễn Phú Trọng lơ̆m tơdrong jang tơiung pơjing teh đak, tang găn xa pơjĭp păng trong jang tơbôl gơ̆h hơgei vang pơm hơtŏk anih dơ̆ng ăn Việt Nam lơ̆m apŭng plenh teh. Thông tấn xã Lào, Kơsơ̆p hla ar tơroi Vientiane, kŭm hăm lơ hla ar tơroi tih kơ teh đak Lào hơnơ̆ng chih tơƀôh ƀai, um rup găh Khul tang măt ăn Đảng, Teh đak Lào yoa Tổng Bí thư, Kơdră teh đak Thongloun Sisoulith chĕp kơ̆l truh hơpong, pơdong ƀŭ Tổng bí thư Nguyễn Phú Trọng.
Lơ̆m tơdrong kơtơ̆ng ang găh lêh pơdong Tổng bí thư Nguyễn Phú Trọng, Kơsơ̆p hla ar tơroi Khmer kơ teh đak Campuchia (Khmer Times) akhan, Tổng Bí thư Nguyễn Phú Trọng iŏk đei tơdrong kŭp yom kơ kon pơlei Việt Nam păng tơpôl lơ̆m apŭng pkenh teh gơnơm đơ̆ng dôm nơ̆r pơkăp, khŏm druh kiơ̆ trong jang tŏk teh đak păng hơnăp jang tih lơ̆m dôm tơdrong adrin pơm hơtŏk tơdrong pơvei hăm apŭng plenh teh.
Sputnik kơ teh đak Nga kŭm chih lơ ƀai akhan, “Tổng bí thư Nguyễn Phú Trọng hlôi pơjing kơmŏng tôch kơjăp ăn tơdrong pơvei Việt-Nga”. “Đơ̆ng Cuba, nơ̆r ‘mêm bơnê gơ̆h ăn Tổng bí thư Nguyễn Phú Trọng”, ‘nŏh jĭ kơ̆l ƀai đei in ƀât trang mă blŭng ƀâp kơsơ̆p hla ar tơroi Granma kơ teh đak Cuba. Ƀai chih roi tơƀôh dôm tơdrong tơgop tih tên đơ̆ng Tổng bí thư Nguyễn Phú Trọng ăn tơdrong jang tŏk kơ teh đak păng kon pơlei Việt Nam, kŭm nhen ăn “tơdrong pơvei mât 1 ƀơ̆r đon, nhen ‘nhŏng oh” roi đunh roi kơjăp đơ̆ng kon pơlei, đảng Cộng sản păng Khul kơdră 2 teh đak. Anih chih tơdrong kơtơ̆ng ang Reuters kơ teh đak Anh kŭm chih tơroi tôch hơđăl găh lêh pơdong Tổng bí thư Nguyễn Phú Trọng, hăm tơdrong vang akŏm đơ̆ng lơ khul jang tơbôl, bơngai tang măt ăn dôm anih jang, khul grŭp păng bôl boăl lơ̆m apŭng plenh teh.
Viết bình luận