Lơ̆m noh đei pơma dơnuh tơgop nơ̆r lơ̆m Hla ar chih Tơroi tơbăt chĭnh trĭ păng hơnăn, tơdrong jang tơm Hop akŏm ‘măng mă 18 Đảng bộ pơlei tơm. Tơroi hla ar chih tơroi tơbăt chĭnh trĭ Hop akŏm bơngai tang măt ‘măng mă 18 Đảng bộ pơlei tơm, Phŏ Bí thư Anih jang Đảng pơlei tơm Hà Nội Nguyễn Văn Phong tơbăt, tơdrong pơjing hla ar chih akŏm, hlôi chih iŏk hơdăh dôm nơ̆r athei vă jang tih tơ̆ tơchơ̆t kơsô̆ 15 đơ̆ng Anih tơm Chĭnh trĭ găh trong vă jang hơnăp jang hơtŏk tơiung Anih tơm truh sơnăm 2030 trĕng lăng truh sơnăm 2045, hla ar chih ming Luơ̆t Anih tơm hơmet ming păng 2 tơdrong jang proh hơmet găh Anih tơm.

Tơdrong tơm đơ̆ng Hla ar chih akŏm hơlen lăng pơtôch bơ̆jang kiơ̆ tơdrong Tơchơ̆t Hop akŏm 17 Đảng bộ pơlei tơm (2020 – 2025) păng tơdrong tơm akŏm; dôm tơdrong hơgăt tơm, hơnăp jang kăl, tơdrong hơiă păng dôm trong jang tơm đơ̆ng Anih tơm jăl jang 05 sơnăm 2025-2030, trong vă jang truh sơnăm 2045, lăng truh sơnăm 2065.