Lơ̆m jơ hngơ̆m đon kŭp yom tôch kơ bơneh kŭm hăm ƀai reh chhưu lơ̆m jơhngơ̆m chơng ba ƀok Tổng Bí thư Nguyễn Phú Trọng - Bơngai chĕp kơ̆l tôch kơ hơgei, đĭ chăl hơrih yua kơ teh đak yua kơ kon pơlei, vih brŏk hăm yă ƀok. Hăm jơhngơ̆m đon ƀrơ̆k ‘mêm tôch kơ dêh, Kơdră jang lơ̆m Anih tơm Chĭnh trĭ, Kơdră teh đak Tô Lâm, Kơdră Khŭl pơgơ̆r lêh đŏk Hla ar chih tơroi rơđăh: Ƀok hiong hơchăng ‘noh jĭ tơdrong hiong tih tên, ưh kơ kĕ ‘mong plơ̆ đơ̆ng Đảng bơ̆n, Hơdrĕch hơdrŭng bơ̆n, kon pơlei bơ̆n.

Teh đak hiong lê̆ bơngai chĕp kơ̆l gơh hơgei; tơdrong jang cộng sản, tơdrong ‘lơ̆ng hơiă apŭng plĕnh teh hiong lê̆ bơngai lý luận kơjăp; bôl buăl apŭng plĕnh teh hiong lê̆ bơngai buăl tơpăt, bơngai rơ hâu; ŭnh hnam, kơtum kơ tŏng, pơlei pơla Đông Hội hiong lê̆ bơngai kon tôch kơ hơgei. Tơdrong ‘lơ̆ng kăp gĭt đơ̆ng ƀok Tổng Bí thư Nguyễn Phú Trọng gô hơrih ling lang lơ̆m jơhnơr hơrih Việt Nam, gô đei iŏk pơtăl păng hơtŏk hloh dơ̆ng lơ̆m tơdrong jang tơplih ‘nao; jang kiơ̆ jơnei tơdrong tơm pơjing teh đak Việt Nam rơngei, pơgơ̆r kơ dih, drơ̆ng 1 nơ̆r, kon pơlei pơm tơm, pơdrŏng ‘lơ̆ng, hơgei, hiôk hian mă ƀok đĭ chăl hơrih tơchĕng, hơdrin plang jơhngơ̆m.