Hla gơih ăn Kơdră Anih vei lăng kon pơlei dêh char Quảng Ninh; Anih pơgơ̆r teh đak găh tang găn sar bar păng dôm anih jang ƀơm truh. Kiơ̆ Tơroi tơbăt hrĕnh đơ̆ng Anih jang chĕp kơ̆l pơgơ̆r tang găn sar bar dŏng sar bar dơ̆ng tơgŭm păng tang găn hơdrol đơ̆ng kon pơlei dêh char Quảng Ninh, pơgê 25/4, tơ̆ đak krong Chanh găh thị xã Quảng Yên, dêh char Quảng Ninh hlôi đei ƀôh tơdrong truh đak lơ̆p thŏng nan, pơm ăn 4 ‘nu hiong dong (2 ‘nu uơ oei dơ̆ng glơi kơdih tŏk tơ̆ kông).

Thủ tướng Teh đak gơih nơ̆r apĭng jet, vang sơ ‘ngon truh ŭnh hnam dôm bơngai răm, athei Kơdră Anih vei lăng kon pơlei dêh char Quảng Ninh păng dôm anih jang ƀơm truh hơnơ̆ng pơgơ̆r, tơlĕch jang tơdrong jang hơmet pơ ‘lơ̆ng tơdrong truh, akŏm 1,2 hơnăp jang tơ̆ hơla âu: Hơnơ̆ng hơvơn khŭl jang, gre tơmam kăl vă akŏm tơchă dôm bơngai oei hiong dong hăm jơhngơ̆m đon tơtĕnh hloh, tơtom hloh. Kơdră Anih vei lăng kon pơlei dêh char Quảng Ninh athei anih jang kơpal tơtĕnh băt hơdăh, dăr hơlen tơdrong tơm pơm ăn tơdrong truh, pơm rơđăh hơnăp jang vă tơtom lăng kiơ̆ păng phak kơhret dôm tơdrong pơm glăi mưh đei kiơ̆ ƀlep tơdrong hơgăt đơ̆ng khôi luơ̆t.