Thủ tướng teh đak tơƀôh jơhngơ̆m đon ƀrơ̆k jơ hngơ̆m, bơnê Kơdră tơm Jakkapong Sangmanee kŭm hăm Khŭl tang măt Thái Lan hlôi truh tơ̆ Việt Nam hơpong Tổng Bí thư; pơma hơdăh ‘nâu jĭ tơƀôh hơdăh ăn tơdrong ‘mêm tơbôl, tơklep hơdai păng vang tơgŭm đơ̆ng Kơdră chĕp kơ̆l păng Kon pơlei 2 teh đak.

Ƀlep ƀơ̆t ‘măng âu, Thủ tướng teh đak tơƀlŏk dơ̆ng nơ̆r hơvơn kơ Thủ tướng Thái Lan Srettha Thavisin năm ngôi tơ̆ Việt Nam păng vang pơgơ̆r ‘măng hop akŏm khŭl kơdră teh đak atŭm Việt Nam – Thái Lan ‘măng mă 4 lơ̆m khei ‘năr trŏ lăp. 2 păh kŭm pơma dơnuh păng drơ̆ng 1 nơ̆r găh 1,2 trong vă jang hơdai 2 pang đơ̆ng 2 teh đak tơ̆ hơnăp kơnh, đei hloi tơlĕch jang đei yua Tơdrong jang “Pêng tơgoăt hơdai”, hơtŏk loi dơ̆ng jang hơdai lơ̆m dôm tơdrong jang vei sơđơ̆ng, mơdro sa, tơmang lăng păng trong nơnăm gre kơ dâu, lơ̆m noh lăng kăl tơgoăt pran kơtang hloh dơ̆ng pơđĭ găh trong gre păr, trong teh, trong gre treng.