Iung pơma pơtôch jơ bơ̆ jang, Thủ tướng athei, khei năr kơnh, Hòa Bình jang kiơ̆ jơnei Trong pơprŏ jang hlôi đei kĭ tơchơ̆t, tơlĕch jang kiơ̆ kơtang dôm tơdrong đei, tơdrong rơvơn; tơlĕch jang kiơ̆ trong jang atŏk tơ iung; pơjing trong atŏk tơ iung ‘nao, pơjing đei tơdrong kăp git ‘nao.

Găh rim tơdrong jang tơm, Thủ tướng athei, Hòa Bình kăl hơnơ̆ng tơplih jơhngơ̆m đon tơchăr, trong lăng atŏk tơ iung, iung jang kơtang dôm tơdrong đei, mă kăl iung jang kiơ̆ jơnei tơdrong joăt joe sơ̆ ki; pơjing rim tơring tơm pơm jŭk yŭk trong hơlau atŏk tơ iung. Tơ iung pơjing dôm tơdrong jang tơm vă atŏk kơtang tŏk mŭk drăm, akŏm lơ̆m jang kmăi kmŏk pơm tơlĕch tơmam drăm, kmăi kmŏk hơgei; tơmang pơhiơ̆ cham char, pơdơ̆h pơdei, jŏh ayŏ pơlei pơla…; choh jang sa rơgoh ‘lơ̆ng. Atŏk kơtang tơgoăt jang hơdoi mŭk drăm, iung jang kiơ̆ ‘lơ̆ng hơnăp jang tơgoăt ƀar păh Tây Bắc hăm Hơnih tơm Hà Nội, tơring tơmăn đak kroong Hồng.