Trong ‘nâu kơ jung 110km, truh dang ei đĭ pơm đang đei 66% trong jang, iŏk pơ ‘ngoăih teh pơđĭ trong klĕch 5 dêh char, ‘noh đei Cần Thơ, Hậu Giang, Bạc Liêu, Cà Mau păng Kiên Giang đĭ jang đang bơih. Thủ tướng pôk pơ ư tơdrong hơdrin đơ̆ng dêh char Cà Mau lơ̆m iŏk pơ ngoăih teh păng tơlĕch jang pơm Hnam pơgang Cà Mau.

Thủ tướng pơma hơdăh: “ ‘Meh Cà Mau hơtŏk tơiung ‘noh athei đei cham gre păr, tơnŏk đak dơsĭ, trong gre kơdâu hrĕnh”, hơdai hăm athei dôm bơngai tơmơ̆t jên jang iŏk yua bơngai jang păng anih mơdro sa tơring. Hăm jơhngơ̆m đon “sŏng sa tơgĕch, tep hăt hot, bơ̆jang 3 ‘măng 4 khŭl”, Thủ tướng athei Khŭl vei lăng Mỹ Thuận tŭn hrĕnh tơdrong jang, tơlĕch tơdrong hơgăt jang đang tơdrong jang, ăn gre kơdâu ƀơ̆t ‘năr 19/12/2025.