‘Măng năm ngôi tơgop pơm hơmet ming đon lui chĭnh trĭ, hơdai hăm pơtrŭt jang hơdai đơ̆ng Việt Nam păng Sri Lanka lơ̆m đĭ đăng rim tơdrong nhen chĭnh trĭ, jang tơbôl, vei sơđơ̆ng, khŭl lĭnh, mŭk drăm, tĕch mơdro, tơmơ̆t jên jang, tơƀơ̆p băl đơ̆ng kon pơlei... yak mơ̆t lơ̆m tơpă, đei yua hloh. Tơdrong Kơdră tơm teh đak Srilanka năm tơ̆ Việt Nam vang truh pơm Lêh Phật đản Liên Hợp Quốc Vesak ‘noh jĭ tơƀôh kơnăl ăn tơdrong tơklep hơdai gĭt kăl găh joh ayŏ păng Lui phật đơ̆ng 2 teh đak.

Đơ̆ng rŏng kơ pơm Lêh sơng, Kơdră teh đak Lương Cường păng Kơdră tơm teh đak Srilanka chĕp kơ̆l Khŭl gĭt kăl 2 teh đak pơgơ̆r pơma đam, hơlen lăng pơtôch jang hơdai đơ̆ng 2 teh đak khei ‘năr âu ki păng tơlĕch dôm trong jang hơdai tơ̆ hơnăp kơnh.