Phó Thủ tướng pơtruh nơ̆r jet gia đơ̆ng đe Kơdră chĕp kơ̆l teh đak Việt Nam hăm Thủ tướng Nhật Bản, pơma hơdăh Việt Nam hơnơ̆ng năng Nhật Bản jĭ teh đak jang hơdoi tôch hơđơ̆ng lơ̆m chăl jang tŏk ‘nao. 2 păh drơ̆ng nơ̆r hơtŏk tơdrong  jang hơdoi lơ̆m dôm tơdrong gĭt kăl nhen tĕch mơdro, tơmât jên jang, khoa hŏk kơmăy kơmŏk, atŏk tơiung khul bơngai jang.

Thủ tướng Ishiba Shigeru tơchĕng ‘lơ̆ng tơdrong tơgop đơ̆ng bơngai jang đơ̆ng Việt Nam tơ̆ Nhật Bản, năng ‘nâu jĭ khul jang gĭt kăl ưh gơ̆h tơplih, atŭm hăm ‘nŏh hơpơi ‘mĕh hơnơ̆ng sơng đei lơ hlŏh dơ̆ng bơngai jang đơ̆ng Việt Nam. 2 păh pơkăp jang hơdoi tơlĕch jang đei yoa ‘lơ̆ng dôm tơdrong drơ̆ng nơ̆r gĭt kăl păng pơih xă tơdrong jang hơdoi găh dôm tơdrong jang ‘nao, pơtho ăn khul bơngai jang rơgei.