Tơ̆ hơnih soi tơbăt kơ nhap ƀok Đại tướng Võ Nguyên Giáp, Thủ tướng Phạm Minh Chính kŭm hăm khŭl bơ̆jang soh plang nhang păng ‘măn pơnĭt tơbăt vă ƀlŏk hơdơ̆r kơ nhap ƀok Đại tướng Võ Nguyên Giáp păng dôm lĭnh nuih mơng lôch dŏng teh đak tơ̆ Hơnih tơblăh Điện Biên Phủ. Hơnăn, tơdrong jang khŭl lĭnh gơh hơgei đơ̆ng Đại tướng Võ Nguyên Giáp - Yŏng chĕp kơ̆l kơ tơdrong tơblăh, bơngai ‘nhŏng kơ dră kơ Khŭl lĭnh kon pơlei Việt Nam, Bơngai yŏng gơh hơgei kơ khŭl lĭnh păng bơngai hŏk tro tôch kơ hơgei kơ Ƀok Hồ; tơdrong tơgop, plang hơkâu đơ̆ng Đại tướng Võ Nguyên Giáp păng dôm khŭl lĭnh lôch dŏng teh đak gô ling lang chih lơ̆m hơnăn jơhnơr arih nuih mơng kơ hơdrĕch hơdrŭng bơ̆n, khŭl lĭnh bơ̆n nhen 1 ƀai hơri tôch gĭt kăl.

Đang kơ ‘noh, Thủ tướng Phạm Minh Chính kŭm hăm khŭl bơ̆jang hlôi năm tơmang lăng tơ̆ Hơnih gru groa Anih pơgơ̆r tơdrong tơblăh Điện Biên Phủ; năm ngôi, asong tơmam ăn 20 ‘nu lĭnh Điện Biên păng ŭnh hnam teh đak tơgŭm lơ̆m xăh Mường Phăng, xăh Pá Khoang, pơlei tơm Điện Biên Phủ.