Tơ̆ dôm ‘măng tơƀơ̆p, kơdră chĕp Jơnŭm păng Anih jang châu Âu pơma hơdăh EU lăng ‘lơ̆ng tơdrong pơvei hăm Việt Nam păng tơroi ‘meh vă hơtŏk tơdrong pơvei tŏk jang hơdai gĭt kăl tôm tơdrong. Găh tơgŭm hơdrol đơ̆ng tơdrong pơvei Việt Nam - EU tơ̆ hơnăp kơnh, Thủ tướng athei 2 păh kăl kơ akŏm lơ̆m tơdrong hơtŏk pơvei Việt Nam - EU tŏk Jang hơdai gĭt kăl tôm tơdrong; hơnơ̆ng pơtrŭt tơdrong kĭ ăn Tơdrong tơchơ̆t EVIPA; păng athei EC set hơlen hŭt lê̆ the dreng IUU ăn ka hơdang Việt Nam.

Kơdră chĕp kơ̆l Jơnŭm păng Anih jang châu Âu drơ̆ng nơ̆r jang hơdai pơtrŭt dôm tơdrong tơgŭm hơdrol jang hơdai 2 pang mă Thủ tướng tơroi; pơma hơdăh vă jê̆ truh kơnh gô đei dơ̆ng bơngai jang lơ̆m EU kĭ ăn EVIPA. Lơ̆m tơdrong apŭng plĕnh teh păng tơring đei lơ ưh kơ sơđơ̆ng, 2 păh drơ̆ng nơ̆r hơtŏk loi dơ̆ng jang hơdai lơ pang.