Pơma ah jơ tơƀơ̆p, tang măt ăn kơdră Đảng, Teh đak, Thủ tướng Phạm Minh Chính hưch hanh hơmanh bơnê kơ dôm jang đei jơnei, tơdrong tơgop kăp gĭt mă đe kră pơlei, kơdră pơlei, ngê̆ nhơ̆n, bơngai đei kon pơlei lui yom lơ̆m jơ̆p teh đak pơma atŭm păng rim bơngai tang măt akŏm lơ̆m năr tơƀơ̆p âu pơma hơdrô̆ hlôi jang đei jơnei lơ̆m khei năr âu ki.

Thủ tướng ră hơdah, joh ayŏ jing dôm tơdrong hơgei kăp gĭt hloh akŏm đei kơ hơdrung kon bơngai, kơ tơpôl, kơ rim bơngai. Joh ayŏ đei kon pơlei, khua hŏk păng tơpôl. Joh ayŏ athei đei iŏk yua, pơm trong hơtŏk jơhngơ̆m ăn rim kon pơlei. Khei năr truh, Thủ tướng pơkăl Anih tơm jang gah Joh ayŏ Tơplŏng kơdâu păng Tơmang pơhiơ̆, păng dôm anih jang, rim tơring pơtoi hơtŏk hlôh vao, keh đang trong jang hiôk vă hơtŏk joh ayŏ; tơrĕk tơdrong pơtho pơhrăm joh ayŏ juăt jue.