Pơma tơ̆ hop akŏm, Thủ tướng Phạm Minh Chính pơma hơdăh, ‘nâu jĭ tơdrong jang ‘lơ̆ng gĭt kăl, hơdai hăm roi tơbăt trong proh hơmet păng pơtrŭt tơmơ̆t jên jang kơ Dêh char; tơƀôh trong lăng gĭt kăl, trong jang ‘lơ̆ng, khoa hŏk păng tơdrong bơngơ̆t truh gĭt kăl đơ̆ng dôm anih mơdro sa, bơngai tơmơ̆t jên jang păng dôm nơ̆r tơgop ‘lơ̆ng, gĭt kăl, hơdai hăm ‘meh vă jang kiơ̆ đơ̆ng dôm anih mơdro sa, bơngai tơmơ̆t jên jang.

Găh trong proh hơmet ming dêh char Lạng Sơn 2021 - 2030, trĕng lăng truh 2050 Thủ tướng hơlen lăng, proh hơmet đei hơmet ăn hơlen, ‘lơ̆ng, khoa hŏk; pơjing kiơ̆ lơ̆m hơtŏk tơmam ‘lơ̆ng pha ra băl, tơdrong hiôk, đei yua pơjei băl, kŭm nhen hơmet pơ ‘lơ̆ng dôm tơdrong oei đei, ưh kơ ‘lơ̆ng đơ̆ng dêh char. Proh hơmet hlôi tơlĕch đei tơdrong jang, trĕng lăng, hơgăt hơtŏk tơiung tơm, jang ‘lơ̆ng hơtŏk tơiung; trong jang hơtŏk tơiung, trong jang, tơdrong tơgŭm, kon jên bơ̆jang proh hơmet tơ̆ hơnăp kơnh.