Tổng Bí thư hôn bơnê kơ tang kơ Hơnih jang Pơtho tơbăt păng Pơrô̆ pơrôp Trung ương hlôi tĕnh koăng sơđơ̆ng khul jang, pơm kơtoei ƀiên chê̆, hơmet ming khul kang ƀô̆, tơlĕch jang kiơ̆ kơtang nơ̆r pơrô̆ jang đơ̆ng Hơnih tơm Chinh trĭ, Ban Bí thư kiơ̆ ƀlep trong jang “Kơdou răh pơrĕng răh”. Tổng Bí thư Tô Lâm athei, khei năr ou kơnh, Hơnih jang Pơtho tơbăt păng Pơrô̆ pơrôp Trung ương hơnơ̆ng chă tơchĕng hơlen tơplih ‘nao jơhngơ̆m đon đơ̆ng tơdrong joăt joe jing jang kiơ̆ chăl hle gơh hơgei, trŏ lăp hăm tơdrong ‘meh vă roi năr roi kơtang lơ̆m atŏk tơ iung kơ teh đak; mă kăl tơ iung pơjing khul kang ƀô̆ bơ̆ jang đĭ jơhngơ̆m đon bơ̆ jang ăn kon pơlei, ling lang yak năm tơ̆ tơring păng tơklep kơjăp hăm kon pơlei.