Lơ̆m pơkăp Hop akŏm, Thủ tướng Phạm Minh Chính hlôi năm akŏm păng iung pơma tơ̆ minh ƀar Tơdrong pơma đam kăp gĭt păng jing tơmoi kăp gĭt đei hơvơn  truh Pơma đam gah trong jang kơ teh đak gah hơnăn “Việt Nam – Anglŏ sơnăm 'nao hơtŏk tơ-iung: Tơchơ̆t tơlĕch truh pơm jang”. 

Năm akŏm pơma đam hăm hơnăn "Khei năr pơm jang kơ Châu Á hăm ƀơm tơnap tap ưh?", Thủ tướng Phạm Minh Chính tơbang 2 tơdrong tơm: Pơjing Hơnih jang Tơplih 'nao Gơh hơgei châu Á, iŏk yua kơtang sơnong kăp gĭt đơ̆ng Hop akŏm Mŭk drăm Apŭng plenh teh păng Trung Quốc lơ̆m tơdrong pơtoi dôm hơnih jang hơlen, hnam trưng đăi hŏk păng hơnih jang mŭk drăm. Pơjing Hơnih akŏm tơroi tơbăt gơh hơgei Châu Á – tơdrong tơm tơgŭm ăn dôm hơnih jang mŭk drăm pah lăp păng iĕ, hơnih jang mŭk drăm iung pơm jang gơh hơgei. Thủ tướng tơƀôh tơdrong lui ngeh hăm tơdrong tơguăt tơguăl, tơnăp hăm sơnong jang, pơm jang khŏm mă đei, Châu Á gô pơjing keh kong khei năr hơnô̆ hơnăp kơnh, hơ-'nhăk rơngei hiôk hian, jang hơdoi păng hơtŏk tơ-iung jơnap.