Pơtơm “Năr akŏm Unh hnam Việt Nam sơnăm 2025”
Thứ sáu, 08:35, 27/06/2025
Lan chih tơblơ̆
Lan chih tơblơ̆
VOV4.Bahnar – Hăm hơnăn “Unh hnam jơnap – Teh đak pơdrŏng pran”, Năr akŏm Unh hnam Việt Nam sơnăm ou đei pơgơ̆r tơ̆ Hơnih akŏm joh ayŏ - tơmang pơhiơ̆ dêh char Đăk Lăk đơ̆ng năr 25/6 truh đĭ năr 29/6, hăm tơdrong vang akŏm đơ̆ng dêh char, pơlei tơm đei Sơn La, Tuyên Quang, Lạng Sơn, Ninh Bình, Thanh Hóa, Huế păng Đăk Lăk.
Lơ̆m năr akŏm đei lơ tơdrong jang nhen: tơdrong pơdah joh ayŏ kơdŏ suang kon pơlei, akŏm pơma dơnuh păng pôk hơpah kơ dôm bơngai jang hơgei lơ̆m tơdrong “vei hơrih oei xa 'lơ̆ng lơ̆m unh hnam”. Pơdah tơroi gah tơdrong 'lơ̆ng hơƀăp lơ̆m unh hnam, tơdrong jang tang găn păng tơjră hăm teh dong lơ̆m unh hnam, pơjing unh hnam phĭ tơtŏ dơnŏ 'lơ̆ng, hơtŏ hơnơ̆ng, rơhŏ rơhŏm.
Pơdah săch păng tĕch dôm tơmam drăm OCOP, tơmam drăm yua, tơmam kăp gĭt 'lơ̆ng kơ tơring đơ̆ng dôm dêh char. 'Nou jing tơdrong akŏm joh ayŏ sơng kơkuh kơ năr Unh hnam Việt Nam 28/6. Kiơ̆ đơ̆ng noh hơtŏk tơdrong tơnăp đơ̆ng rim hơnih jang, rim jăl jang păng tôm tơpôl gah sơnong kăp gĭt kơ unh hnam Việt Nam lơ̆m anglŏ chăl sơnăm 'nao hơtŏk tơ-iung kơ kon pơlei.
Viết bình luận