‘Nâu jĭ năr bơ̆ jang mă blŭng đơ̆ng rŏng kơ tơmât hơdai anih vei lăng. Tơ̆ dôm anih truh, Tổng Bí thư tơchĕng ‘lơ̆ng tơdrong hơmet đơ̆ng bơngai jang, tơmam drăm truh tơmât yoa kơmăy sô̆ mưh pơm hla ar vei lăng. Tơdrong jang tơ̆ dôm anih ‘nao đei pơgơ̆r sơđơ̆ng ‘lơ̆ng, kăn ƀô̆ sek tơlang hrĕnh dôm tơdrong athei đơ̆ng kon pơlei păng anih tĕch mơdro.

Tổng Bí thư pơma hơdăh, athei hơnơ̆ng hơmet pơ ‘lơ̆ng kơmăy ki thuơ̆t, ưh gơ̆h lê̆ đei tơdrong tơhlăk; tơtă ăn khul kơdră pơgơ̆r tơring athei iŏk tơdrong lăp đon đơ̆ng kon pơlei pơm tơm vă hơlen năng tơdrong gơ̆h hơgei đơ̆ng kăn ƀô̆, bơngai jang. Mă loi, xăh Phúc Thịnh athei năng kăl tơdrong mât 1 ƀơ̆r đon lơ̆m Khul kơdră chĕp kơ̆l, pơm ‘lơ̆ng vă gơ̆h bơ̆ jang đei jơnei, hiôk hian, pơm lăp hăm tơdrong ‘mĕh vă pơvih ăn kon pơlei lơ̆m chăl tơplih ‘nao.