Tổng Bí thư ră hơdah, hăm sơnong Anih tơm kơ rơbou sơnăm gơh hơgei, Hà Nội kăl sơkơ̆t tôm tơdrong hơtŏk tơ-iung mŭk drăm, tơlĕch trong jang 'nao, 'nhăk anih tơm tŏk jing anih tơm kơ teh đak. Lơ̆m tơdrong pơkăp jơnŭm pơgơ̆r jang, kăl vei sơđơ̆ng tơguăt tơguăl, iŏk jang sơnong yuk hơlou kơ đe kan ƀô̆. Tổng Bí thư sơkơ̆t hơdah, tơdrong jang kan ƀô̆ 'noh tơm dơnơm, athei pơm kiơ̆ trŏ tơchơ̆t, hơtŭm pơyua.

Atŭm hăm noh, Hà Nội athei hơmet mă tơnăp ăn Hop akŏm Đảng dôm jăl, keh đang tơnăp tơchơ̆t jang sơnăm 2025; vei sơđơ̆ng joh ayŏ bơngai Tràng An, hơmet pơ-'lơ̆ng cham char tơring kơdrơ̆m, mă tơgăl hăm hơnih tơm kơ teh đak.