Lêh pơdong grong ƀŭ Ƀok Trần Đức Lương đei pơgơ̆r kiơ̆ khôi pơkăp pơdong grong ƀŭ kơ teh đak. Hơtou Ƀok Trần Đức Lương đei pơdong ah Hnam pơdong grong ƀŭ kơ teh đak ah kơsô̆ 5 Trần Thánh Tông, pơlei tơm Hà Nội.

Lêh pơjôk Ƀok Trần Đức Lương đei pơgơ̆r tơ̆ Hnam pơdong grong ƀŭ kơ teh đak ah kơsô̆ 5 Trần Thánh Tông, pơlei tơm Hà Nội, pơtơm đơ̆ng 7 jơ năr 24 khei 5 sơnăm 2025 truh 7 jơ năr 25 khei 5 sơnăm 2025.

Lêh tơbăt yom kơ Ƀok Trần Đức Lương đei pơgơ̆r kăp gĭt ah 7 jơ năr 25 khei 5 sơnăm 2025 tơ̆ Hnam pơdong grong ƀŭ kơ teh đak, ah kơsô̆ 5 Trần Thánh Tông, pơlei tơm Hà Nội. Lêh grong ƀŭ ah 3 jơ kơsơ̆ atŭm năr tơ̆ Pơsat pơlei pơla, xah Phổ Khánh, thĭ xah Đức Phổ, dêh char Quảng Ngãi.

Atŭm khei năr ou, tơ̆ Hnam akŏm Thống Nhất, pơlei tơm Hồ Chí Minh păng tơ̆ Hnam akŏm T50, Anih tơm Pơgơ̆r khul linh dêh char Quảng Ngãi, kơsô̆ 142 Lê Trung Đình, pơlei tơm Quảng Ngãi adoi pơgơ̆r Lêh pơdong grong ƀŭ, Lêh tơbăt yom kơ Ƀok Trần Đức Lương.

Anih pơdah tivi Việt Nam păng Rađiô nơ̆r pơma Việt Nam gô tơroi pơdah um kơtă Lêh pơjôk, Lêh tơbăt yom păng Lêh pơdong grong ƀŭ Ƀok Trần Đức Lương tơ̆ pơlei tơm Hà Nội, pơlei tơm Hồ Chí Minh păng dêh char Quảng Ngãi.

Lơ̆m 2 năr pơgơ̆r Lêh pơdong grong ƀŭ Ƀok Trần Đức Lương kiơ̆ pơkăp lơ̆m jơ̆p teh đak, bơngai jang so lơ̆m Anih tơm chĭnh trĭ, Kơdră so kơ teh đak Cộng hoà xã hội chủ nghĩa Việt Nam (năr 24 păng 25 khei 5 sơnăm 2025), rim anih jang, jơnŭm tơpôl athei kơtol hla kơ sơ-'ngon, ưh đei pơgơ̆r akŏm dôm tơdrong joh ayŏ chơt hơ-iă ou to.