Tơ̆ ‘măng hop akŏm, 2 păh pơma hơdăh tơdrong pơvei Jang hơdai gĭt kăl hơtŏk loi dơ̆ng Việt Nam - Thái Lan roi ‘năr roi hơtŏk tơiung jrŭ să păng tơpă, kiơ̆ lơ̆m pơyom, lui ngeh dih băl păng vang đei yua. 2 păh kŭm drơ̆ng nơ̆r kăl kơ hơtŏk loi dơ̆ng tơƀơ̆p pơma dơnuh đơ̆ng kon pơlei, mă loi ‘noh jĭ đơ̆ng jơhnơr mơlôh, ‘moi kiơ̆ dôm tơdrong jang joh ayŏ, tơplŏng kơdâu, tơmang lăng, pơtho pơhrăm; pơtrŭt pơtho pơhrăm nơ̆r Thái tơ̆ Việt Nam păng nơ̆r Việt tơ̆ Thái Lan.
Hơdai hăm ‘noh, 2 păh pơma hơdăh tơdrong gĭt kăl đơ̆ng jang hơdai vei răk păng tơƀăk mong dôm kơjă kăp gĭt joh ayŏ, jơhnơr arih Việt Nam tơ̆ Thái Lan; pơtrŭt hơtŏk tơiung dôm tơdrong jang yua kơ tơpôl kơjăp đơ̆ng Thái Lan tơ̆ Việt Nam. Tơ̆ ‘măng hop akŏm, 2 păh hlôi pơma dơnuh găh tơdrong jang hơmet ăn ‘măng năm ngôi tơ̆ Việt Nam đơ̆ng Thủ tướng Thái Lan păng vang pơgơ̆r ‘măng hop akŏm Khŭl kơdră teh đak atŭm ‘măng mă 4. Kơdră tơm Bùi Thanh Sơn pơma hơdăh Thủ tướng Phạm Minh Chính ‘meh đei sơng Thủ tướng Thái Lan tơ̆ hơnăp kơnh.
Viết bình luận