Hăm hơnăn “Drăkăn Kon Tum chĕp vei mŭk drăm joh ayŏ juăt jue Ao tai”, tơ̆ kơmăng akŏm, 350 ‘nu drăkăn dêh char Kon Tum hlôi atŭm băl pơdah joh hơri, pơdah 2 tơdrong akŏm ao tai hăm hơnăn “Pơkao ƀlang” kơyuơ Hnam kơmăi sĭt mei ao tai Ngọc Minh rơih akŏm hăm hơnăn  “Tơring mŭk drăm joh ayŏ” kơ bơngai pơtơm sĭt mei Kim Yến. Pơđĭ 2 bơngai pơtơm sĭt mei âu adoi tơ̆ dêh char Kon Tum, iung pơm jang đei jơnei keh kong đơ̆ng rŏng kơ năm pơhrăm tơdrong sĭt mei Ao tai kơyuơ Trung ương Jơnŭm Drăkăn Việt Nam jang atŭm hăm dôm bơngai sĭt mei ao tai gơh hơgei lơ̆m teh đak pơgơ̆r.

Ƀơ̆t ‘măng âu Jơnŭm Drăkăn dêh char Kon Tum adoi pơtơm Tơdrong pơlong Drăkăn iung pơm jang sơnăm 2024 hăm hơnăn: “Drăkăn Kon Tum iung pơm jang, chĕp vei mŭk drăm hlôi đei tơ̆ tơring păng tơplih jơk”. Khei năr iŏk ƀai pơlong hơdar jat noh ah năr 30/6/2024. Tơdrong pơlong vă pôk pơ-ư kơ dôm tơdrong gơh hơgei đơ̆ng đe drăkăn Kon Tum lơ̆m tơdrong hơtŏk lơ̆m rim tơdrong, đơ̆ng noh tơgŭm đe drăkăn hơtŏk sơnong jang mŭk drăm, hơtŏk hơtŏ hơnơ̆ng drŏnglo drăkăn păng pơjing unh hnam sơnêp sơnua.