Yă Vũ Thị Hương Giang, Kơdră chĕp pơgơ̆r Thảo Cầm Viên tơbăt: pơm lêh au đei pơgơ̆r tih, đei 50 hơdrơ̆r tơmam drăm tơbăt ăn 149 kơ loăi ƀĕng joăt joe kơ pêng tơring lơ̆m teh đak, đơ̆ng noh tơgop tơƀôh tơbăt tơmam drăm sa ‘lơ̆ng rŏ kiơ̆ tơring.

Iung jang hơlen tơma sa Việt gô đei pơprŏ jing 3 tơring Huế - Sài Gòn – Hà Nội hăm dôm ƀĕng joăt joe kơ tơring pơlei tơm so Huế, dăh mă jơ ‘năr sŏng sa rơ ông rơ ang kơ Sài Gòn hăm lơ ‘nhĕm ‘nhot ‘lơ̆ng rŏ kơ tơring Pơbăh păng chă sa roi dôm ƀĕng ƀau phu tru hut kơ Hơnih tơm Hà Nội, atŭm hăm lơ tơmam sa gĭt kăl groi teh Tây Nguyên.  Tơdrong pơgơ̆r au oei ƀôh kang bang kơ̆l dôm bơngai chĕp gŏ chă pai por ‘nhot ‘lơ̆ng liem joăt joe sơ̆ ki kơ Việt Nam. Pơm lêh por ‘nhot đei pơgơ̆r đơ̆ng năr 26/4 truh năr 01/5.  Yă Vũ Thị Hương Giang tơbăt dơ̆ng:“Hăm hơnăn “Teh đak rơngei hiôk hian”, nhôn tơlĕch tơdrong kăl kơ pơm lêh ‘noh tơmam sa kăl tơbăt hơdăh kơ tơring tơ̆ găh Tu-Tŏk bŏk-Pơbăh. Tơdrong pơgơ̆r au đei vang năm đơ̆ng dôm kon pơlei joăt jang pơm ƀĕng, đe sư pơm hloi ƀĕng kơtă păng tơroi tơbăt ăn tơmoi”