Kiơ̆ kơ ‘noh, dôm bơngai chă lăng đei rơvơn ƀôh dơ̆ng mĭnh chăl sơnăm nuih mơng pran kơtang kơ hơdrĕch hơdrung Việt Nam. Tơdrong pơgơ̆r ou tơƀôh tơbăt dôm tơdrong sơ̆ ki-hrei ou păng hơnô̆ hơnăp kơnh, tơƀôh hơdăh tơdrong jơnei “nuih mơng pran kơtang ang jơ va jơ̆p jang plĕnh teh”".

Lăp đơ̆ng rŏng pơm lêh pơgơ̆r joh ayŏ kơdŏ soang hăm 3 tơdrong pơgơ̆r ‘noh: Pơđĭ kon pơlei vang iung năm; Jơva nuih mơng pran kơtang anglŏ XX păng Hơnih pơkă rơngei hiôk hian. Hăm vang pơgơ̆r đơ̆ng dang 180 ‘nu bơngai joh hơri, atŭm hăm rim khul anai hăm dang vă jê̆ 800 ‘nu. Tơdrong pơgơ̆r ou tôch gĭt kăl ‘lơ̆ng rŏ, đei pơgơ̆r kiơ̆ tơdrong joh hơri păng dôm tơdrong ƀŏk hơdơ̆r sơ̆ ki, hơgrop hăm tơdra joh hơri ‘noh dôm nơ̆r chă pơma hơlen hơdăh găh tơdrong jơnei Điện Biên Phủ kơ dôm bơngai ƀôh kang bang kơ̆l, dôm bơngai chih kơtơ̆ng ang Việt Nam păng teh đak đe.