‘Măng mă blŭng ƀât anih hơri lơ̆m Hnam hơri Hồ Gươm, vă jê̆ 300 ‘nu bơngai hơri hơxoang, bơngai tôn reh vang jŏh hơri dôm ƀai hơiă hlŏh chih pơ ư kơ Điện Biên Phủ đơ̆ng dôm bơngai chih pơchĕh iŏk đei tơmam hơpăh Hồ Chí Minh; Tơmam hơpăh teh đak găh chih pơđơ̆k, jŏh hơri hơxoang. Dôm ƀai chih pơchĕh đei rơih hơri hơxoang ‘nŏh jĭ dôm ƀai đơ̆ng chăl adrol sơ̆, đei chĕp hơnơ̆ng truh dang ei, tơƀôh hơdăh tơdrong gĭt kăl lơ̆m jơhnơr arih păng hơnơ̆ng yak hơdoi hăm hơdrech hơdrung.

‘Nâu kŭm jing dôm ƀai hơri hơxoang tôch hơiă đei hơpăh ăn Tơmam lơ̆m tơdrong Hop akŏm khul jŏh hơri hơxoang lơ̆m teh ‘măng mă mônh (1954). Hăm tơdrong gĭt kăl lơ̆m jơhnơr arih đơ̆ng Tơblăh jơnei Điện Biên Phủ, tơdrong jŏh hơri hơxoang gĭt kăl âu ‘mĕh kiơ̆ đơ̆ng boa hơri, hơxoang, tơƀôh dơ̆ng tơdrong kơtang nuih mưng mưh iung tơblăh păng dôm tơdrong chu hŭt hơkâu, lôch tang nuih mơng đơ̆ng khul linh păng kon pơlei bơ̆n lơ̆m tơdrong tơblăh Điện Biên.