‘Nâu jĭ tơdrong jang yak truh kơkuh chơt hơiă tơbăt 49 sơnăm năr rơngei dêh char Kon Tum (16/3/1975 - 16/3/2024) păng năr pơjing apŭng Đăk Hà (24/3/1994 - 24/3/2024). Tơdrong joh ayŏ kơdŏ soang “Đăk Hà pơyan choh jang” yua đơ̆ng Bơngai chhơ̆ pơm Minh Hạnh pơgơ̆r, hăm tơdrong vang truh hơri Nghệ sỹ Nhân dân Thanh Lam kŭm hăm lơ bơngai hơri, joh ayŏ kơdŏ soang păng bơngai chă hrŭk pơrŏ hơbăn ao đe ư hơnhang lơ̆m teh đak.
Pơgơ̆r lơ̆m hơnih pơlei joăt joe đei pơm tơiung tôch kơ hơlen, dôm ƀai hơri hơsoang lơ̆m “Đăk Hà pơyan choh jang” hơdai băl tôch kơ hiă tơƀôh hơdăh tơdrong kăp gĭt joăt joe, pôk pơ ư jơhngơ̆m đon bơ̆jang đơ̆ng kon pơlei kon kông kơtă anih păng dôm bơngai kon kơ rim tơring lơ̆m teh đak vih tơ̆ âu arih sa, pơjing đei pơlei pơla ‘lơ̆ng hơiă Đăk Hà. Tơ̆ tơdrong jang tơmoi kŭm đei lăng lơ tơmam ngă đe ư hơnhang đơ̆ng Bơngai chhơ̆ pơm pơcheh Minh Hạnh.
Viết bình luận