Pơlong tơmam sa apŭng plĕnh teh păng chih tơbăt 120 tơmam sa đei pơm pai đơ̆ng đẳng sâm
Thứ sáu, 17:05, 26/04/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Kơsơ̆ brei (25/4), tơ̆ plei Tu Thó, xăh Tê Xăng, apŭng Tu Mơ Rông, dêh char Kon Tum pơgơ̆r pơih blŭng Pơlong tơmam sa apŭng plĕnh teh păng chih tơbăt Việt Nam đei 120 tơmam sa pơm pai đơ̆ng đẳng sâm (dăh mă oei krao ‘noh sâm hro) mĭnh kơ loăi pơgang hla ‘long kăp gĭt tơ̆ tơring kông Tu Mơ Rông.
Hăm hơnăn “Tơmam sa pơgang hla ‘long - ‘lơ̆ng hơiă bri kông Ngọc Linh”, Pơlong tơmam sa apŭng plĕnh teh đei 21 khŭl vang pơlong. Lơ̆m noh đei 11 khŭl đơ̆ng dôm xăh lơ̆m apŭng Tu Mơ Rông, dêh char Kon Tum; 10 khŭl tơmoi krao hơvơn truh đơ̆ng Lào, Trung Quốc, Thụy Sỹ păng 1,2 grŭp jang pai gŏ tơm lơ̆m teh đak.
Khŭl châm pơlong ‘noh đei dôm bơngai joăt jang găh tơmam sa, bơngai pai gŏ hơgei hloh đe ư hơnhang lơ̆m teh đak gô chơ̆m kiơ̆ lơ̆m tơdrong sa tơmam sa păng pơdă tơƀôh, tơroi đơ̆ng khŭl pơlong. Lơ̆m jơnăr pơlong, Kŏng ti Pơgơ̆r tih hloh Việt Nam Vietkings gô roi tơbăt hơdăh chih tơbăt kơ Việt Nam găh 120 tơmam sa đei pơm pai đơ̆ng sâm hro ăn apŭng Tu Mơ Rông.
Viết bình luận