Nhen Radiô Nơ̆r Pơma Việt Nam hlôi chih tơbăt, Tơdrong vă jang hơnih pơchơt pơhiơ̆ ‘lơ̆ng Đà Lạt đei Hơnih vei lăng kon pơlei dêh char Lâm Đồng ăn hla bơar hơsong tơmơ̆t jên jang lơ̆m sơnăm 2012, tơ̆ kơsô̆ 23, trong Quang Trung, phương 9, pơlei tơm Đà Lạt.

Mă lei truh vă đĭ sơ năm 2023, tơdrong vă jang au ming man keh đang mă lei tơmơ̆t jang hăm trong jang ‘noh mĭnh Hnam tep pơdơ̆h tih ‘lơ̆ng 4 sao, đei 50 hơnih tep pơdơ̆h. lăp đơ̆ng rŏng kơtơ̆ng băt tơdrong au, Hơnih vei lăng kon pơlei pơlei tơm Đà lạt hlôi iung jang dăr lăng hơlen lơ̆m khei ‘năr tơmơ̆t jên jang, tơdrong jang vă pơchoh trong xek tơlang hơmet pơ ‘lơ̆ng. Kiơ̆ đơ̆ng yă Nguyễn Thị Bích Ngọc, Kơ iĕng Kơdră chĕp pơgơ̆r Hơnih vei lăng Joh ayŏ kơdŏ soang, Đă ƀŏng lŏng tơplŏng kơdau păng tơmang pơhiơ̆ Lâm Đồng, truh dang ei, hơnih au hlôi athei Hơnih vei lăng kon pơlei kơ pơlei tơm Đà Lạt pơrô̆ athei hơnih bơ̆ jag vei lăng tơdrong au iŏk tơvih hla bơar ăn asong bơ̆ jang ăn tơmoi tep pơdơ̆h hăm tơdrong vă jang au.