Tơ̆ plt Buôn Ma Thuột, hlŏh 400 anih huch cheh phe chih măt pơvih đĕch, tĕch cheh phe ưh iŏk jên ăn kon pơlei păng tơmoi chă tơmang lăng tơ̆ 3 anih đei: Kơchơ @ Buôn Ma Thuột (jăl trong Tôn Đức Thắng), Cham xă 10/3 păng Trong Kơsơ̆p hla ar Buôn Ma Thuột lơ̆m 2 năr ‘nŏh ‘năr 9 păng 10/3 truh âu kơnh. 

Oei tơ̆ anih chă tơmang lăng Gơng hơneh Buôn Đôn, Anih vei lăng kon pơlei apŭng Buôn Đôn jang hơdoi hăm Anih vei lăng joh ayŏ kơ dŏ xoang, tơplŏng kơdâu păng chă tơmang lăng, Anih chă tơmang lăng păng Hnam hotel Biệt Điện pơgơ̆r “Lêh jŏh ayŏ kơ dŏ xoang – tơplŏng kơdâu – Chă tơmang lăng khei 3 Tây Nguyên”. Lơ̆m noh hơiă loi jĭ dôm tơdrong tôn chĭng chêng, chă hơlen năng tơdrong pơjing, jang tŏk đơ̆ng pơlei kông lôk lơ̆m đak păng dôm tơdrong jŏh ayŏ kơ dŏ xoang kơ dôm hơdrĕch hơdrung tơ̆ tơring, pơgơ̆r hrŭk pơrŏ hơbăn kon kông.