VOV4.Bahnar - ‘Nao âu, tơ̆ plt Buôn Ma Thuột, Anih Radio nơ̆r pơma Việt Nam tơ̆ Tây Nguyên pơgơ̆r hop akŏm khoa hŏk găh Trong chĕp vei Tơdrong hơ ‘mon Rađe, Jarai lơ̆m tơdrong tơroi hăm nơ̆r kon kông. Vang hop akŏm, đei lơ bơngai jang khoa hŏk, bơngai vei lăng, bơngai đei hŏk jrŭ kơ dôm hơdrĕch kon kông tơ̆ Tây Nguyên. Lơ̆m nŏh đei ƀok Rmah Ban, jĭ 1 ‘nu bơngai Jarai đei hŏk jrŭ truh đơ̆ng thĭ trơ̆n Nhơn Hòa, apŭng Chư Pứh, dêh char Gia Lai. Ƀok jĭ bơngai Jarai hlôh vao lơ tơdrong juăt ‘lơ̆ng đơ̆ng hơdrĕch kơdih, kơna tôch tơtăm hăm tơdrong hơ ‘mon roi đunh roi vă hiơt hiong lơ̆m tơdrong arih xa kơ tơpôl Jarai.

VOV4.Bahnar - Ngê̆ nhơ̆n Rơchom Nha (bơngai Jarai) tơ̆ plei Mrông Yố, xăh Ia Ka, apŭng Chư Pah, dêh char Gia Lai. Ƀok đei kon pơlei tơ̆ tơring năng jĭ bơngai tôch rơgei, yoa ưh lăp gơ̆h hơri brông, tôn chĭng, pơm tĭng nĭng, ching klơk đĕch mă oei gơ̆h hơri hơ ‘mon dơ̆ng. Mă lei, tơ̆ hơnăp tơdrong hơ ‘mon vă hiơt hiong đĭ, ngê̆ nhơ̆n Rơchom Nha đei lơ tơdrong tơtăm.

VOV4.Bahnar – 'Năr brei (18/9), tơ̆ thĭ trâ̆n Đăk Tô, apŭng Đăk Tô, Anih jang đoan dêh char Kon Tum pơgơ̆r 'Năr akŏm hơdruh tơdăm hăm hlôh vao kiơ̆ trong nơnăm lơ̆m Khei vei sơđơ̆ng trong nơnăm sơnăm 2023.

VOV4.Bahnar - Tơ̆ pơlei tơm Ƀuôn Ma Thuô̆t, dêh char Đak Lăk, Hơnih pơm tơlĕch kơsơ̆p hla bơar Kim Đồng jang hơdoi hăm Khul chih pơcheh tơdrong tơroi hle, tơdrong hơri chhơ̆ rup dêh char Đak Lăk pơgơ̆r tơƀơ̆p muh măt rim bơngai chih pơcheh tơdrong tơroi ăn hơ ioh, tơlĕch pôk hơpăh lơ ăn rim ƀai chih găh đe hơ ioh sơnăm 2023.   

VOV4.Bahnar - Hăm kon pơlei dôm hơdrĕch kon kông tơ̆ Tây Nguyên, rôih nhen thoi 1 ‘nu bơngai lơ̆m unh hnam păng pơlei pơla. Bơngai Tây Nguyên akhan, rôih tơƀôh ăn jơhngâm pran păng tơdrong pơdrŏng hơnŭk hơnoa. Tơ̆ hơnăp kơsô̆ rôih rong roi jur, Anih vei lăng kon pơlei dêh char Dak Lak kĭ ăn tơdrong jang tơgŭm vă tơplih ming trong chă tơmang lăng hao rôih jing chă tơmang lăng ‘lơ̆ng hăm rôih.

VOV4.Bahnar - Pơgê 14/9, Khŭl tơbôl Việt Nam - Nhật Bản dêh char Dak Lak pơgơ̆r tơdrong jang tơƀơ̆p pơma dơnuh, joh ayŏ Việt Nam - Nhật Bản dêh char Dak Lak sơnăm 2023.

VOV4.Bahnar - Sơng iŏk nơ̆r krao đơ̆ng Hnam trưng Đăi hŏk Jeonju Kijeon, Hàn Quốc, năr ‘nâu (13/9), Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng Gia Lai pơgơ̆r ăn khul 14 ‘nu ngê̆ nhơ̆n lơ̆m plt Pleiku păng apŭng Ia Grai, năm tơ̆ Hàn Quốc pơgơ̆r tôn hơxoang tơ̆ Lêh Sori apŭng plenh tĕh Jeonju 2023.

VOV4.Bahnar - Gơmăng hei, 10/9, Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng kon pơlei dêh char dêh char Bình Định pơm lêh pơtôch năr Jŏh ayŏ kơ dŏ xoang kơ dôm hơdrĕch kon kông tơring Tŏk bŏk. 

VOV4.Bahnar - Ƀok Y-Djuan Mjâo (oei krao ‘nŏh Aê Lot) 65 sơnăm, tơ̆ plei M’Ngoan, xăh Ea Hồ, apŭng Krông Năng, dêh char Dak Lak jĭ 1 ‘nu ngê̆ nhơ̆n tôch rơgei. Ưh lăp gơ̆h tôn lơ ƀai chĭng, gơ̆h pơm păng hlôm đing tarta, đing năm, đing buôt,… ƀok oei gơ̆h hơri kưt, hơri eirei, hlôh vao khôi juăt păng hơnơ̆ng adrin vă pơtho tơƀôh ăn jơhnơr đơ̆ng rŏng tơ̆ pơlei dơ̆ng.

VOV4.Bahnar - VOV Tây Nguyên 30 sơnăm tơ iung pơjing păng atŏk tơ iung, Rapor nơ̆r Kon kông jei truh 30 sơnăm ƀĕng ƀang tơdrong ƀlŏk hơdơ̆r. Đơ̆ng Tơdrong rapor nơ̆r Êđê mă blŭng đei pơre lơ̆m trong hơyuh rapor ... sơnăm 1993, truh dang ei, VOV Tây Nguyên hlôi bơ̆ jang, pơre nơ̆r 6 nơ̆r kon kông: ÊĐê, Jarai, Bahnar, Xơ Đăng, K’Ho păng M’Nông. Atŭm hăm kơtơ̆ng ang lơ̆m teh đak păng teh đak đe, oei đei dôm tơdrong tơroi, tơdrng joh hơri ‘măn ăn kon pơlei kon kông. Lơ̆m 30 sơnăm ‘nŏh, đei lơ tơdrong ƀlŏk hơdơ̆r ‘lơ̆ng rŏ hăm rim jơhnơr bơ̆ jang rapor nơ̆r kon kông tơ̆ Tây Nguyên.