VOV4.Bahnar – Kơsơ̆ năr 11/10, tơ̆ pơlei tơm Buôn Ma Thuột, dêh char Đăk Lăk, Jơnŭm pơgơ̆r hơlen sơkơ̆t kơ Rađiô nơ̆r pơma VN hlôi hơlen sơkơ̆t đê tai khua hŏk “Hơlen chă trong vei răk tơƀăk mong tơdrong hơri hơ-‘mon Êđê, Jarai lơ̆m hơyuh rapor nơ̆r kon kông tơring Tây Nguyên”.

VOV4.Bahnar - Pơma truh Lăm pơre nơ̆r kon kông – Anih Radio nơ̆r pơma Việt Nam tơ̆ Tây Nguyên ‘nŏh jĭ pơma truh dôm tơdrong “Hlŏh”, ‘nŏh jĭ: Lăm đei lơ bơngai jang hlŏh (30 ‘nu), lăm đei lơ hơdrĕch kon kông jang hơdoi hlŏh (8 hơdrĕch), păng đei lơ “ngê̆ nhơ̆n – bơngai gơ̆h hơri hơxoang” hlŏh. Hăm lơ tơdrong jŏh ayŏ kơ dŏ xoang ‘lơ̆ng hơiă păng tơdrong gơ̆h hơri hơxoang đơ̆ng kơdih, dôm bơngai chih hơmet, tơblơ̆ păng pơre nơ̆r nhen hiơt lê̆ tơdrong glĕh hrat pơmat tat, vă hơnhăk ăn bôl boăl mơ̆ng brŏ dôm tơdrong tơroi hơiă hlŏh.

VOV4.Bahnar - Năr 10/10, Anih jang tơ̆ tơring Tây Nguyên – Rađiô nơ̆r pơma VN pơgơ̆r tơdrong kăp gĭt Hop akŏm sơkơ̆t 30 sơnăm tơ-iung pơjing păng hơtŏk.

VOV4.Bahnar - Đơ̆ng tŏk bŏk sơnăm ‘nâu, Đắk Lắk hơtŏk tơdrong chĕp vei dôm tơdrong jŏh ayŏ kơ dŏ xoang ‘lơ̆ng hơiă kơ dôm hơdrĕch kon kông. Hơdai hăm pơih lăm pơtho tôn chĭng, hơri hơxoang nhen thoi rim sơnăm, Đăk Lăk oei pơih lăm pơtho tơroi hơ ‘mon, jô̆ pơđơ̆k, sơng đei lơ bơngai đơ̆ng pơlei pơla truh akŏm.

VOV4.Bahnar - ‘Nau ‘măng chă pơdă yơ yak ‘măng mă 6 đei pơgơ̆r tơ̆ rim tơring lơ̆m dêh char Đak Lăk.

VOV4.Bahnar - Festival sâm Ngọc Linh gô đei dêh char Kon Tum pơgơ̆r 2 sơnăm minh 'măng, jing rah tơdrong jang mŭk drăm, păng jing tơdrong akŏm joh ayŏ kơ tơring teh ƀenh kơ juăt jue păng um ai joh ayŏ.

VOV4.Bahnar - Pơgê brei (3/10), tơ̆ pơlei tơm Buôn Ma Thuột, Anih ‘măn răk tơmam drăm so Hùng Vương dêh char Phú Thọ jang hơdai hăm Anih ‘măn răk tơmam drăm so Dak Lak pơgơ̆r pơdă tơdrong jang “Tơmam joh ayŏ kăp gĭt tang măt kơ kon bơngai - Lui Soi kơ Hùng Vương păng hơri Xoan Phú Thọ”.

VOV4.Bahnar - Ngê̆ nhơ̆n Y-Dŭ Êban, 55 sơnăm (hơnăn juăt krao ‘nŏh Ama Đam), tơ̆ plei Sut Mđưng, xăh Čư̆ Suê, apŭng Čư̆ M’Gar, dêh char Dak Lak đei kon pơlei năng jĭ “Bơngai chĕi vei jơva chĭng chêng tơ̆ pơlei”. Đĭ hlŏh 50 pơyan jang mir bơih, lơ̆m dôm sơnăm âu ki ƀok ưh đei ơm tơdrong pơmat tat, hơnơ̆ng tơchă bơngai pơtăl dơ̆ng vă pơtho tôn chĭng, vei kơjăp jơva chĭng chêng kơ pơlei pơla.

VOV4.Bahnar - Pơgê 29/9, Anih vei lăng hơdrĕch kon kông dêh char Kon Tum pơgơ̆r Hop akŏm pôk pơ ư, pôk hơpăh dôm nghệ nhân, ŭnh hnam, hơnih jang tơdrong jang joăt joe đơ̆ng sơ̆ đei lơ jơnei lơ̆m tơdrong vei răk păng tơƀăk mong kơjă kăp gĭt tơdrong jang joăt joe đơ̆ng sơ̆.

VOV4.Bahnar - Gơmăng 29/9, tơ̆ kơ phô̆ năm jơ̆ng hoh dơnâu đak Hoàn Kiếm, pơgơ̆r blŭng Festival pơyan Puih Hà Nội sơnăm 2023, hăm hơnăn “Pơyan puih  Hà Nội - Truh vă ‘mêm”.