Hơdah tơ̆ Tơchơ̆t Tơdrong vă pơgơ̆r Festival sâm Ngọc Linh - Kon Tum, Việt Nam (Festival sâm Ngọc Linh), Anih jang vei lăng kon pơlei dêh char Kon Tum tơlĕch tơchơ̆t pơjing minh tơdrong akŏm jang mŭk drăm rah păng akŏm joh ayŏ kơ tơring teh ƀenh kơ um ai juăt jue joh ayŏ.

Kiơ̆ đơ̆ng Festival sâm Ngọc Linh dêh char Kon Tum hơpơi 'meh hơtŏk tơdrong vei răk mŭk drăm cham char, mŭk drăm tơmang pơhiơ̆ gơh trŏ ƀlep hloh; pơjing jơhngơ̆m pran hơvơn asong 'nhăk dôm tơmam drăm đơ̆ng tơm sâm Ngọc Linh păng 'long pơgang nai jing dôm tơmam drăm đei hơnăn kơjăp, atŭm hăm noh pơjing đei tơmam drăm tơmang pơhiơ̆ tơguăt hăm tơm sâm Ngọc Linh. Vă hơmet ăn Festival sâm Ngọc Linh pơgơ̆r 'măng mă blŭng ah sơnăm 2024, Anih jang vei lăng kon pơlei dêh char Kon Tum hlôi pơjao Anih jang Joh ayŏ, Tơplŏng kơdâu păng Tơmang pơhiơ̆ pơgơ̆r, jang hadoi hăm dôm anih jang, rim tơring đei tơrĕk keh đang tơdrong Pơjing sơnong jang hơdah vă tơlĕch jang adrol kơ năr 20/10/2023.