Pơdă tơdrong jang Lui soi kơ Hùng Vương păng hơri Xoan Phú Thọ tơ̆ Dak Lak
Thứ tư, 14:08, 04/10/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê brei (3/10), tơ̆ pơlei tơm Buôn Ma Thuột, Anih ‘măn răk tơmam drăm so Hùng Vương dêh char Phú Thọ jang hơdai hăm Anih ‘măn răk tơmam drăm so Dak Lak pơgơ̆r pơdă tơdrong jang “Tơmam joh ayŏ kăp gĭt tang măt kơ kon bơngai - Lui Soi kơ Hùng Vương păng hơri Xoan Phú Thọ”.
Tơdrong jang âu tơ̆ Dak Lak pơgơ̆r đơ̆ng dang ei truh đĭ ‘năr 3/12 truh, pơdă 31 um rup, pano pang tơmam ‘lơ̆ng vă roi tơƀôh truh tơpôl păng tơmoi tơmang lăng tơ̆ Dak Lak.
Hơdai hăm ‘noh, lơ̆m giĕng blŭng pơgơ̆r pơdă, grŭp vă jê̆ 20 kang ƀô̆ bơngai jang kơ Anih ‘măn răk tơmam drăm so Hùng Vương dêh char Phú Thọ gô đei măt tơ̆ Anih ‘măn răk tơmam drăm so Dak Lak vă hơ ri Xoan so sơ̆ pơyua ăn dôm khŭl tơmoi truh lăng. Kiơ̆ đơ̆ng noh tơroi tơbăt, roi tơƀôh să sap tơdrong joh ayŏ, tơmam tơmang lăng ‘lơ̆ng kơ Phú Thọ.
Viết bình luận