Pơgơ̆r đơ̆ng dang ei truh đĭ ‘năr 26/5, ‘măng pơdă ming tơƀôh 80 tŏ rup phĭ găh tơdrong arih păng tơdrong jang đơ̆ng Ƀok Hô, đơ̆ng dôm anih juăt Phĭn rup păng ming pơdă, Anih jŏh ayŏ tơ̆ tơring (Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng) păng Anih ‘măn răk tơmam Đắk Lắk.

Lơ̆m kơsô̆ âu đei lơ rup ƀât Ƀok oei năm chă trong dơ̆ng teh đak lơ̆m sơnăm 1911, vang mât jang lơ̆m Khul iung tơblăh iŏk rơngei hơdrĕch hơdrung klep truh Năr Ƀok pơ jing đei Đảng cộng sản Việt Nam păng chĕp kơ̆l kon pơlei iung tơblăh truh iŏk đei jơnei, pơjing đei teh đak Việt Nam Dân chủ Cộng hòa. Rup Ƀok Hô hơnơ̆ng chĕp kơ̆l pơgơ̆r tơdrong jang pơjing păng vei lăng teh đak kon pơlei pơm tơm ‘nao đei pơjing, pơgơ̆r tơdrong tơblăh đunh đai tang găn ayăt iŏk đei jơnei ‘lơ̆ng đơ̆ng 1946 – 1954.