Tơdrong jang vă pôk pơ ư, roi tơƀôh dôm hơnih truh, dôm tơmam tơmang lăng lơ̆m khei ‘năr pơyan puih Hà Nội. Festival ‘noh đei dôm tơdrong: "Kơmâu ‘lơ̆ng pơyan puih”, “Ƀâu phu ‘lơ̆ng pơyan puih”, “Tơmam asong pơyan puih”, “Pơgar rang hơdăh” hăm dôm kơdeng pơdă, kơ deng tơmam, ‘long pơkao pơ rŏ, roi tơƀôh dôm hơnih truh tơmang lăng Hà Nội hơiă lơ̆m pơyan Puih nhen gơng Long Biên, kơ phô̆ so Hà Nội, hnam chua Một Cột, plei pơkao Mê Linh, plei so Đường Lâm.

Mă loi ‘noh, gô đei dôm kơdeng tơmam pơm tơƀôh hnam Phố Phái tơ̆ kơ phô̆ Lê Thạch, hơnih kơ phô̆ tơmam sa Tạ Hiện…. ‘Măng âu, pơlei tơm Hà Nội kŭm pơgơ̆r Hơnih roi tơƀôh tơmam sa tơ̆ Hơnih ngôi pơchơt kơ đe hơioh Hà Nội. Hăm hơnăn “Tơdrong hơiă tơmam sa Việt”, Hơnih tơmam sa akŏm 51 kơ deng tơmam đơ̆ng dôm khŭl tơdrong jang, nghệ nhân, anih mơdro sa, hơnih tĕch tơmam sa đe ư hơ nhang kơ anih tơm Hà Nội păng lơ tơring lơ̆m teh đak.