Pơgê năr 6/10, Hơnih bơ̆ jang vei lăng Kơtơ̆ng ang păng Pơre nơ̆r dêh char Dak Lăk jang hơdoi hăm Hơnih vei lăng kon pơlei apŭng Cư Kuin pơgơ̆r blŭng a Pơdă chă yơ yak “Hoàng Sa, Trường Sa kơ Việt Nam - Dôm tơdrong ƀôh kơnăl đơ̆ng sơ̆ ki păng khôi luơ̆t”. ‘Nau ‘măng chă pơdă yơ yak ‘măng mă 6 đei pơgơ̆r tơ̆ rim tơring lơ̆m dêh char Đak Lăk.

Khul kơdră chĕp pơgơ̆r hlôi pơdă păng tơƀôh tơbăt rim hla bơar kăl kơ yuơ Hơnih tơm Hơnih bơ̆ jang vei lăng Kơtơ̆ng ang păng Pơre nơ̆r pơtruh ăn, hăm 6 tơdrong, dôm rup, hla bơar chih tơbăt găh achon Hoàng Sa hơdrol sơnăm 1975. Mĭnh ƀar rup găh achon Trường Sa hrei au păng rim tơdrong jang kơ kang ƀô̆, ƀô̆ đô̆i đak dơsĭ, kon pơlei oei lơ̆m achon Trường Sa. Jơ ‘năr au, hloh 1.600 ‘nu hŏk tro Hnam trương Jăl pêng Y Jut păng kơdrơ̆m kon pơlei oei tơ̆ apŭng Cư Kuin hlôi năm lăng păng băt hơdăh tơdrong pơm tơm tơ-‘ngla achon dơsĭ, mă kăl ‘nŏh ƀar achon Hoàng Sa păng Trường Sa găh tơdrong pơm tơ-‘ngla kơ Việt Nam.