Lơ̆m khul 14 ‘nu ngê̆ nhơ̆n năm tơ̆ Hàn Quốc ‘măng mă âu, đei Rcom Bus, rơnĕh sơnăm 2002, tơ̆ Pleiku Roh, phường Yên Đổ, plt Pleiku jĭ bơngai ‘lơ̆p hlŏh. ‘Nhŏng tơroi, inh vang akŏm lơ̆m 7 tơdrong tôn, hơxoang đunh 40 pơnĭt. ‘Nŏh jĭ 2 ƀai tôn chĭng, dôm ƀai rĕh tĭng ning, kơni, hlôm đing, hơri.

Rcom Bus ăn tơbăt, dôm ƀai tôn, rĕh, hơri hơxoang đei boa tôch hơiă, roi tơbăt ăn bôl boăl apŭng plenh tĕh găh dôm tơdrong ‘lơ̆ng hơiă, dôm tơdrong jŏh hơri hơxoang đơ̆ng kră sơ̆ păng tơdrong arih xa kơ kon pơlei kon kông Tây Nguyên. Lêh sơnăm ‘nâu vă pơgơ̆r lơ̆m ‘năr 15/9, truh đĭ ‘năr 24/9 tơ̆ Anih jŏh hơri hơxoang Sori, dêh char Jeonbuk, Hàn Quốc. ‘Nâu jĭ ‘măng mă blŭng dôm tơmam jŏh hơri, tôn rĕh păng boa hơri brông kơ bơngai Jarai đei iŏk hơri, tôn rĕh tơ̆ tĕh đak Hàn Quốc.