Kon Tum: Vei tơnăp 5 Khul jang tơgŭm tơtenh sar bar trong nơnăm
Thứ ba, 14:17, 19/09/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – 'Năr brei (18/9), tơ̆ thĭ trâ̆n Đăk Tô, apŭng Đăk Tô, Anih jang đoan dêh char Kon Tum pơgơ̆r 'Năr akŏm hơdruh tơdăm hăm hlôh vao kiơ̆ trong nơnăm lơ̆m Khei vei sơđơ̆ng trong nơnăm sơnăm 2023.
Tơ̆ Năr akŏm, Anih jang đoan dêh char Kon Tum tơbang tơchơ̆t pơjing, pơtoi tơdrong jang kơ 5 Khul jang tơgŭm sar bar trong nơnăm tơ̆ jăl trong Hồ Chí Minh truh sơnăm 2027, đei asong jang lơ̆m tơring 5 xah kơ 4 apŭng rok kiơ̆ jăl trong Hồ Chí Minh đei xah Đăk Man, Đăk Môn apŭng Đăk Glei; xah Đăk Dục, apŭng Ngọc Hồi; xah Tân Cảnh, apŭng Đăk Tô păng xah Đăk Mar, apŭng Đăk Hà.
Hăm kơsô̆ bơngai jang ăn rim Khul đơ̆ng 10 truh 13 đoan viên tơdăm, ƀơ̆t đei sar bar kiơ̆ jăl trong Hồ Chí Minh rim bơngai jang lơ̆m Khul gô năm truh anih sar bar vă chă tơgŭm dŏng tơtenh vă da ƀiơ̆ kơ rơka hơbur, lôch răm păng vei lăng mŭk drăm bơngai ƀơm sar bar.
Viết bình luận