Tơ̆ jơ tơƀơ̆p, rim bơngai chih pơcheh hlôi pơma dơnuh dôm trong jang hơ iă lơ̆m chih pơcheh tơdrong tơroi hle ‘măn ăn đe hơ ioh, dôm trong chih pơcheh tơdrong tơroi hle trŏ lăp kiơ̆ rim jơhnơr, trong chih pơchĕh, iŏk yua nơ̆r trŏ lăp hăm tơdrong chih pơcheh au.

Rim bơngai chih jei tơbăt dôm tơdrong tơnap tap găh chih pơcheh tơdrong tơroi ăn đe hơ ioh, tơbăt jơhngơ̆m đon hơpơi ‘meh vă kơdră chĕp pơgơ̆r Khul chih pơcheh Tơdrong tơroi hle, Joh ayŏ kơdŏ soang păng um rup Đăk Lăk lăng ba, pơgơ̆r năm chih pơcheh tơdrong tơroi hle ăn đe hơ ioh lơ̆m tơring. Tang măt ăn Hơnih pơm tơlĕch Kơsơ̆p hla bơar Kim Đồng jei tơbăt găh tơmam hơpăh Chih pơcheh tơdrong tơroi hle Kim Đồng. ‘Nau tơmam hơpăh ‘măng mă blŭng đei pơgơ̆r ‘măn ăn rim bơngai chih pơcheh tơdrong tơroi hle ăn hơdruh tơdăm păng đe hơ ioh. Akŏp tơmam hơpăh vă jê̆ 400 triu hlak jên, hăm kơjă lơ hloh truh 100 triu hklak jên ăn 1 tơmam hơpăh.