Hăm hơnăn “Sô̆ he hơlen băt tơring bri kơdrơ̆ng 'lơ̆ng hơ-iă”, tơdrong hơtŏk jang gô đei dôm tour tơmang pơhiơ̆ truh rim pơlei pơla, joh ayŏ, tơmang cham char; Raf-ting vơ̆r thŏng găn chơkơi đak kơjung, vơ̆r gre găn bri kơdrơ̆ng. Atŭm hăm 'noh, gô đei dôm tơdrong akŏm tôn pơdah chĭng chêng, joh ayŏ kơdŏ suang, tơplŏng kơdou, lêh pơrŏ kiơ̆ trong kơphô̆ păng Năr akŏm tơmam drăm xa. Lơ̆m tơdrong hơtŏk jang tơmang pơhiơ̆ ou, rim anih jang mŭk drăm gô tơjur đơ̆ng 15-100% yă vĕ chă tơmang lăng, 5% truh 20% yă tơmam et xa păng hơnih oei, asong dôm tour chă hŏk hơlen, asong jên măt kiơ̆ rok jên kla chă tơmang ăn tơmoi năm kiơ̆ khul, asong tơmam et xa dah mă sơng drơ̆ng đơ̆ng cham gre păr ah mă tơmoi chih măt chă tơmang kiơ̆ pơkăp kơ anih jang.

'Nou jĭ tơdrong kăp gĭt vă pơm kiơ̆ Tơdrong tơchơ̆t hơtŏk jang tơmang pơhiơ̆ “Việt Nam – yak vă băt 'mêm” pơkăp truh tơchơ̆t hơtŏk mŭk drăm kơ dêh char Đăk Lăk ah sơnăm 2025 đei yua  8% tŏk tơ̆ kơpal.